ગ્લોબલ ટ્રાવેલ ટેક્નોલોજી કંપની OYO ની ભારત સ્થિત પેરેન્ટ કંપની ઓરેવલ સ્ટેઝ (ORAVEL Stays) મોટેલ 6 અને સ્ટુડિયો 6 બ્રાન્ડ્સની માલિક ઈકોનોમી ફ્રેન્ચાઈઝર G6 હોસ્પિટાલિટીને બ્લેકસ્ટોન રિયલ એસ્ટેટ પાસેથી $525 મિલિયનમાં ખરીદવા સંમત થઈ છે. રોકડમાં થનારો આ સોદો ચોથા ક્વાર્ટરમાં પૂરો થશે
કંપનીઓના સંયુક્ત નિવેદન અનુસાર 2019 માં અમેરિકામાં લોન્ચ થયા પછી, OYO એ 35 રાજ્યોમાં 320 થી વધુ હોટેલ્સનું સંચાલન કરવા માટે વિસ્તરણ કર્યું છે. તે આ વર્ષે લગભગ 250 હોટલને તેના નેટવર્કમાં ઉમેરવાનું લક્ષ્ય ધરાવે છે, જે એક ટેક્નોલોજી સ્યુટ, વૈશ્વિક વિતરણ નેટવર્ક અને માર્કેટિંગ કુશળતા પ્રદાન કરે છે.
OYO ઈન્ટરનેશનલના સીઈઓ ગૌતમ સ્વરૂપે જણાવ્યું હતું કે, “આ એક્વિઝિશન અમારા જેવી સ્ટાર્ટઅપ કંપની માટે અમારી આંતરરાષ્ટ્રીય હાજરીને મજબૂત કરવા માટે એક મહત્વપૂર્ણ સીમાચિહ્નરૂપ છે.” મોટેલ6 ની મજબૂત બ્રાન્ડ માન્યતા, નાણાકીય પ્રોફાઇલ અને અમેરિકામાં નેટવર્કની સાથે OYOનો ઉદ્યોગસાહસિક સ્પિરિટ કંપની માટે એક ટકાઉ માર્ગ તૈયાર કરવામાં નિમિત્ત બનીને એક અલગ એકમના સ્વરૂપમાં કામ કરવાનું ચાલુ રાખશે.”
અમેરિકા યુ.એસ. અને કેનેડામાં મોટેલ 6નું લગભગ 1,500 હોટેલ્સનું ફ્રેન્ચાઇઝી નેટવર્ક $1.7 બિલિયનની આવકનું સર્જન કરે છે, જે G6 માટે મજબૂત ફી આધાર અને રોકડ પ્રવાહ પેદા કરે છે. બ્લેકસ્ટોને બ્રાંડને વધારવા માટે મૂડીનું રોકાણ કર્યું, જેમાં બિઝનેસને એસેટ લાઇટ લોજિંગ કંપનીમાં રૂપાંતરિત કરવાની વ્યૂહરચનાનો અમલ કરવાનો સમાવેશ થાય છે.
“અમે બ્લેકસ્ટોન સાથેની અમારી સફળ ભાગીદારી અને પરિવર્તન માટે આભારી છીએ જેણે અમને આ નવા પ્રકરણ માટે સારી રીતે સ્થાન આપ્યું છે,” એમ G6 ના પ્રમુખ અને સીઈઓ જુલી એરોસ્મિથે જણાવ્યું હતું. અમારા અતિથિઓ માટે આઇકોનિક મોટેલ 6 બ્રાન્ડને જાળવી રાખવું મહત્ત્વનું છે, જેણે છ દાયકા કરતાં વધુ સમયથી પ્રવાસીઓનો વિશ્વાસ પ્રાપ્ત કર્યો છે.”
બ્લેકસ્ટોન રિયલ એસ્ટેટ એસેટ મેનેજમેન્ટ અમેરિકાના વડા રોબ હાર્પરે જણાવ્યું હતું કે વ્યવહાર એ એબ્યુઝનેસ પ્લાનની પરાકાષ્ઠા છે, જેણે રોકાણકારોની મૂડીમાં ત્રણ ગણો વધારો કર્યો હતો અને બ્લેકસ્ટોનના હોલ્ડ પિરિયડમાં $1 બિલિયનથી વધુનો નફો મેળવ્યો હતો.
“અમે માનીએ છીએ કે G6 ભવિષ્ય માટે અત્યંત સારી સ્થિતિમાં છે અને અમે તેની બ્રાન્ડ્સ આગામી વર્ષોમાં તેમની સફળતાને ચાલુ રાખવા માટે ઉત્સુક છીએ,” એમ તેમણે જણાવ્યું હતું.
ઓગસ્ટમાં, બ્લેકસ્ટોન ગ્રોથ LP અને AAHOA એ જાહેરાત કરી કે તેઓએ M3 LLC, એક હોસ્પિટાલિટી એકાઉન્ટિંગ સોફ્ટવેર ફર્મમાં બહુમતી હિસ્સો મેળવવા માટે એક નિશ્ચિત કરાર પર હસ્તાક્ષર કર્યા છે. તે AAHOA નું પ્રથમ વ્યૂહાત્મક રોકાણ છે અને એસોસિએશન દાવો કરે છે કે આ સોદો તેના સભ્યો અને સમગ્ર હોસ્પિટાલિટી ઉદ્યોગને નોંધપાત્ર રીતે લાભ કરશે.
Goldman Sachs & Co. LLC એ બ્લેકસ્ટોનના મુખ્ય સલાહકાર તરીકે કામ કર્યું અને જોન્સ લેંગ લાસેલ સિક્યોરિટીઝ, LLC અને PJT પાર્ટનર્સે નાણાકીય સલાહકાર તરીકે કામ કર્યું. સિમ્પસન થેચર અને બાર્ટલેટ એલએલપી બ્લેકસ્ટોનના કાનૂની સલાહકાર તરીકે સેવા આપી હતી.
